Aia Upa Zah




Aia upate zah leh zah loh chungchang hi kan sawi zing hle mai. Upa deuhte phei chuan tunlai thalaite hi aia upate zahna pawh nei tawh lo leh a nachang pawh hre tawh mang lo angin an sawi thin. Thangtharte hmuh sual viau mai hi upate hri vei pakhat a ni ve reng a; an demawm lo ve.


Hmanlai khan aia upate eng tin chiahin nge an lo zah bik tih chu kan hre pha tak tak lovah inngai mai ila. Ka hriat ve phâkah chuan khawlaiah ka aia upate kha kan hlau hle thin. Hlauh tur tingin min tiduhdah hle bawk. Insual turin kan ngam mang loh pui puite nen khan min chotuah a, hrehawm thin tak a ni. Mi tirh an ching hle bawk. Kan nu keh pate thil ruksak turte pawhin min tir hnial lo. Chu chu kan naupan laia keini aia upa naupang ve tho siten min tih dan leh ka hmuh dan chu a ni.
Puitling pawhin naupang min hmuhsit hle. Mi tirh mai mai pawh an hrat; kan kal lo ngam si lo va, ngeiawm duh tak an ni. Anmahniin an tihduh miah loh thleng thlenga mi tihtir hreh lo an awm. Meizial tan kai tura mi ina min tirh mai mai te, thil hawh tura intirh mai mai te leh mi au nawmnah tura mi tirh hial pawh an pawisa lo. Thil ru tura naupang tir duh pawh an awm.
Kan naupan lâi khan aia upate kha kan hlau hle; kan zah pawh ka hre em em lo. Kan lo zah hle a nih pawhin hlauh vanga zah a tam viau ka ring thin. Min tiduhdah thei lo tar chak lo leh hmeithai, mi vantlangin an hmuhsitte kha chu naupang pawhin kan aia an upat hrim hrim avangin kan zah reng reng lo. Naupangin putar leh pitar chhaih mai mai an ching hle. Kan vêngah chuan pitar leh putar nupa hi an awm a. Keini aia upa deuh mipa naupang ṭhenkhat chuan an kawmchhak atangin an bang chhak lam chu an zu vawm a, an chhaih a. Ani putar thinur chu tiang nen a rawn chhuak a, amah chhaihtu mipa naupangho chu an tlan darh ar ar ṭhin.
India ram hi naupang zawkin an aia upate an zah der thiamna rama sawi a ni ṭhin. Naupang chu sawi loh, nula tlangval bâkah patling fa nei duah tawhte pawhin an nu leh pate an hlau thiam hle niin an sawi. Amaherawhchu, vai ṭhalaihovin in chhunga an nu leh pate zah der awm taka an awm khu an nun tipawnlangtu leh lemchang nun neihtirtu a ni lo maw?
Sapho erawh chuan an hmusit tihna ni lovin khawchhak lama mite ang em emin aia upate an hlau ve lem lo. Dik nia an hriatah chuan naupang zawk pawh an diau duh mang lo niin an sawi.

Upaho hian zah an phût hle bawk. Zah kan phût chuan zahawma awm hmasak tur. Kan phû loh pui hi mi lakah kan lo phût ang e. 

Comments

  1. UnknownSeptember 16, 2021 at 3:11 AM

    Aia upate hi chu kan zah hle tur niin ka ngai keichuan

    ReplyDelete

Post a Comment

Popular posts from this blog

KA LO TAWN VE - REMRUATI

Image
Kum 1997 November thla chawhma lam a ni a. Chutih laia ka awmna khua chu   kan   khua Thingsulthliah aṭanga kilometer za chuang zeta hla, khaw te reuh te, in za leh sawmriat vel khua a ni. BA pass hlim, tlangval zuan zang tak leh harh vang tak ka ni a, ka awmna khaw tharah chuan Upa Pawl in luahin ka khawsa ve nawk nawk a. Ka kal ngai lohna khua a nih bâkah chhungte han sawi tur pakhatmah kan neih lohna khua a ni a, chuvangin ka awm tirh phei chuan tualchhung mite zingah hriat ka nei lo. Khaw te reuh te a nih avangin a khuaa mite chuan min hre kim thuaiin ka ring a. Middle School awm chhuna thawk thar ka nih avangin mi hriat ka hlawh ve turah pawh ka inngai a ni.   Chu  chu keima fel vang leh vengvat vang ni lovin sikul naupangten an nu leh pate hnena zirtirtu thar an neih thu an sawi ngei dawna ka rin vang a ni zawk mah. Sawrkar hna thawk hlim ka ni a, hlawh pawh ka la nei ve lo. Ka nu leh pate pawisa min paitir hmangin ka khawsa ve mai mai a ni. Tin, lehkha zir zawm le
Read more

TUNLAI KHAWVEL HMASAWNNA LEH KRISTIAN THALAITE.

Image
                                                                        Introduction.             Kum 1991 July thla-a Economic Policy thar a hman atang khan India ram hian khawvel ram dangte awh thamin hma a sawn a. Chu chuan khawsak a tiawlsam ringawt  lo va, hmasawnna a kal chak a ni satliah lo; hnam nunphung leh khawsak dan a sawi nghing a, thalai nun a nghawng em em mai a ni. He Economic Policy thar avanga kan hmasawnna hian culture thar min pe a, chu chu a thenin an chhiat pui laiin khawvel thila changkan pui fê fê pawh an tam hle. Adventist thalaite hian khawi lam kawng nge kan zawh ve dawn tih hi ngaihtuah tlan a tul khawp mai. Tunlai Kan Dinhmun             Mizoram pum huapin han sawi ta ila. Kan khawtlang nun hrim hrimah hian kan lungawi em? Mizote hi khawvela inkhawm tam ber, Pathian fak nasa ber, kohhran program ngah ber kan ni mai thei. Heti chung hian sawrkar hnathawk leh politician zingah corruption a hluar em em a, sumdawng lian leh tê, bazar
Read more

A LOVE STORY

Ka Thil Tawn New Delhi a\angin kan awmna khua, India chhim lama khawpui pangngai ve tak chu rêlin ka kal a. Ka chuanna pindanah chuan Mizo hmeichhe pahnih hi an chuang ve a. Kan \hutna chu a inhlat lo naa kan inbe pawh mai lo. Zing lama chhuak kan ni a. Chawhnu lamah kan inbe pawp chauh a ni. Kan awmna khua-ah chuan ka pain hna a thawh avangin kan awm a. Kan awmna pawh a la rei lutuk lo. Ka pa chu sipai officer pension a ni a. Ka nu erawhchu defence account lamah a thawk a, a la pension lo deuh; a senior pawl a nih avangin a lal tawh hle. Ka pa quarters-ah kan la awm a. Mahse ka nu chu defence account lam mi a nih avangin Pune lamah kan insawn thuai a rinawm. Unau pathum zinga a upa ber ka ni a. Ka naute chu lehkha zirin hmun dangah an awm a. Kei erawh chuan lehkha zir zovin hna ka zawng mek a. Hmuh thuai pawh ka inbeisei. Ka zinpui zinga a upa zawk Pi Dingpuii chu vai pasal nei, a pasal awmnaa kal tur a ni a. A naupang zawk Mahriati chu kan awmna khawpuia kal tur a ni. Chanc
Read more