Nu Ropui Lo Ropui



Pune-a ka lehkha zir zo, mahni tâwka inrin tâwkna kan la neih san lâi leh taksa la chak lâi a ni a, chu chu kum 1995 July thla a ni. Chutih lâi chuan lei pangpârte hi an mâwi a; van arsite lah chuti hlauh.


Chutia beseina kâwl êng mâwi tak thlir chunga ka haw chu Kolasib-a awm ka pû chuan thu thin khei, thu thinlung vit tlang; chawlhkâr khat liam taa ka nu thih thu chu min lo hrilh a. Khawvel hi a khaikhup thawk a nih loh vêk pawhin a zangthal ani tal ang. Ka tân chuan chu âia râpthlâk chanchin thar dang a awm thei lo va, a âia history pawimawh a awm hek lo.
Chumi zan chuan Aizawl Ramhlun vengah Ronald Sapa Tlauten min lohmuak a. Ka u te inah ka innghat phawt a. Tichuan huphurh tak, hmanhmawh ru tak bawk siin in lam chu ka an a, \ap chungin in ka thleng a. Nu awm lohna in râpthlâkzia leh khawhar thlâk turzia chu ka tem chho ve \an ta a ni. A dam lo tih pawh hre lova min han thihsan thut kha rilru a vai duh khawp mai.

‘Now my mornings are for    
          wondering
And my nights to reason why,”

tih hla ang mai khân tûk zân tinin chhânna awm lo zawhna ka inzâwt a, awm lo zawngin  ka vân ruai ruai \hin.
A boral a\anga kum sawm chuang a liam fê hnu pawh hian a hmangaihna rimtui lêng vel chu kan in chhûngah hian a la châm reng a. Chu chu kan duhthusam tak pawh a ni. A hlim nui rite kha kan bengah hian rimawi angin a la ri reng a. Min zilhna tawngkamte pawh kan thinlungah hian zawlnei thupuan tluka chiangin a la châm reng bawk a, kan chawk reh phal lo. A thlan vurna leivungte chu lei thianghlim an chang zo va. A zâlna tlâng pawh kristiante tâna Luruh hmun a hlû angin a tu leh fate tân chuan a hlû a ni.
Tin, min hmangaihna hmun sang sawm zinga pakhat hu chauh pawh kan rulh lêt ve hmâa a boral mai khân rilru a tina em em a. Mi pangngâi kan nih ve theihna tura a thlantui luang zawng zawng te, rilru leh taksa lama min hahpuinate kan chhiar sêng lo va, chhiar chi-ah pawh kan ngâi lo.
A thih hnu hian nu \ha famkim, ngilnei zaidam, sawisel bo tiin fak chiam ila dâwt kan sawi a ni ang. Evi thlah a nih ve miau avangin chak lohna leh famkim lohna tam tak a nei. Mahse a chak lohnate chu kan hmangaihna tizualtu an ni a, a famkim lohnate pawh kan tân zirlai an ni.
Ni e, ka nu kha khawvel thilah chuan nu tlâwm tak, Sunday sikul a\anga ziak leh chhiar thiam, zirna sikul pangngai rap miah lo a ni. Chutiang nu tlâwm tak chu a nih avangin kan khaw te reuh tê-ah pawh khian hre lo an tam ang chu. A vui ni pawh khan mi nu fel tak takte anga pâwl chi hrang hranga nihna ziah tlar \euh tur a nei lo va, a hman lo va, hman dâwn pawh nise a fate vang ringawt pawh hian a hman duh lo vang. Mahse chanchinbu-ah vawi eng zat nge a chanchin an ziah, TV-ah a hmêl vawi engzât nge a lan tihte chu a fate hian amah teh nan kan hmang ngai lo va, kan rilru-ah pawh a awm lo hrim hrim. Kan tana a inpumpêkna te, min hmangaihna leh min enkawlna zawng zawng, kan damchhung lêt sawm pawha kan rulh zawh loh tur kha a ropuizia kan tehna awmchhun sual thei lo chu a ni a. Chumi kawngah na na na zawng kan chhuang ve a ni. Mi tâna nu tlâwm tak kha keini tân chuan khawvela nu ropui ber a ni tlat.
A thihna kha kum 21 lai a lo liam ta reng mai a, mahse kan thinlungah hian a la thar reng a, Mathusela dam chen pawh dam ila a thar zel dawn a ni.
Tun hnu hian nu leh pate hlutna hi ka hre dâwn chauh ani awm mang e ka ti a ni.◊◊


Ka Nu Nen
Kum 1975 khan in kan sa a. Khatih lai kha chuan thingzai in leh rangva in kha a la hlu ngei mai. In kan sak lai chuan Pu Tuthanga te pemsan in chu kan luah a. Ni khat chu ka nu leipui kal tur chu a khawhar deuh nge ni, chawhnu sikul kal lova amah chu zui mai turin min sawm a. Ka chak zawng tak a ni bawk a, ka nu chu ka zui ta a.
Ka nu khan eng nge a thawh tak pawh ka hre pha tawh lo. Kei erawh chu naupang tih takah ka nu hnathawh lai chuan ka lo tei kual vel chiam a. Chutia ka tei kualna lamah chuan sihsen bu hi ka pal darh ta a. Ka han inhriat chhuah meuh chuan ka taksa pum deuhthaw hian min lo bawm hman a ni.
Ka nu chuan ka kawr chu a phelh sawk sawk a. Sihsen chu min then faisak mawlh mawlh a. Ka dul leh nâk bawr vel te chu a bawl thliah thluah a, ka hlau kher asin. A tui pai lai chuan min leih a. A ngeih nge ngeih lo pawh ka hre thiam chiah lo. Ka nu tih a nih avangin dam turah ka inngai tawp mai a, a dam ve mai bawk. Chumi tum chuan thingfanghma ka ak haw a. A hmunah ka ei nual bawk a. Khata tang khan thingfanghma hi ka duh ta hle mai a. Thingfanghma ka ei apiangin ka nu ka hre chhuak deuh ziah bawk. Ka nu khan thei hrisel tak niin a sawi a, chuvang chuan thei hrisel tak eiin ka ei thin.






Comments

Post a Comment

Popular posts from this blog

KA LO TAWN VE - REMRUATI

Image
Kum 1997 November thla chawhma lam a ni a. Chutih laia ka awmna khua chu   kan   khua Thingsulthliah aṭanga kilometer za chuang zeta hla, khaw te reuh te, in za leh sawmriat vel khua a ni. BA pass hlim, tlangval zuan zang tak leh harh vang tak ka ni a, ka awmna khaw tharah chuan Upa Pawl in luahin ka khawsa ve nawk nawk a. Ka kal ngai lohna khua a nih bâkah chhungte han sawi tur pakhatmah kan neih lohna khua a ni a, chuvangin ka awm tirh phei chuan tualchhung mite zingah hriat ka nei lo. Khaw te reuh te a nih avangin a khuaa mite chuan min hre kim thuaiin ka ring a. Middle School awm chhuna thawk thar ka nih avangin mi hriat ka hlawh ve turah pawh ka inngai a ni.   Chu  chu keima fel vang leh vengvat vang ni lovin sikul naupangten an nu leh pate hnena zirtirtu thar an neih thu an sawi ngei dawna ka rin vang a ni zawk mah. Sawrkar hna thawk hlim ka ni a, hlawh pawh ka la nei ve lo. Ka nu leh pate pawisa min paitir hmangin ka khawsa ve mai mai a ni. Tin,...
Read more

NUTHLAWI THIANGHLIM

Image
A Bul Tanna Thalaiho khawhar hla sa rual ṭham ṭham kâra min rawn melh zeuh zeuhtu nuthlawi chu tunhma pawha ka hmelhriat tawh sa ni mah se chumi zan chu a danglam tlat. Lût chhuak an awm reng avangin a tira inṭhut hnaih vak lo kha zan rei lamah chuan   kan  inhnaih sâwt hle a. Zanlai ârkhuan a hun meuh chuan   kan  inkhawih pha der tawh a ni. A hmâ chawlhkar hnih vel kal tawh aṭang khan engemaw titaka khawhar rûkna riau hi ka nei thin; a chhan ka hre lo. Tlangval ngawichawi, rual pawl tam lo tak ka nih vang a ni maithei. College final year ka zir kumah pawh exam mai tur ka ni a. Thil danga inham buai hun loh lai tak a ni nghe nghe. Aizawla kal leh thuai tur ka ni lehnghal. Chutia ka naupan lai atanga ka hmêlhriat tawh nuthlawi, kei aia kum hnih vela upa, fa pahnih nei tawh lehnghal bula ka ṭhu thei ka lawm thar viau mai chu mak intih nachang ka hre lo va. “I tlaivar dawn em? Kei chu haw mai ka duh,” tia min rawn bia ka lo lawm viau mai te chu mak intih ...
Read more

Ka Tlin Ta Ngang Lo Ve

Image
Fate fahrah tur pawh ka dâwn thei ta lo ve. Tunah zawng a vawrtawp a thleng ta; ka dawh peih ta ngang lo a ni. Kan intawn tirh chuan khawvelah nula dang awm thei hian ka hre lo va. An awm a nih pawhin ani tluk tur awmin ka ring lo. Ka chhungten min duhpui lo te chu an hriat chian tâwk loh vangah puhin ka hre thiam lo va, ka hmangaihna tizualtu mai an ni. |hian ṭ haten nei lo tura min tite chu min thik vang leh an bialnute aia a hmel ṭ hat zâwk vangah dahin ka duhna an tizual ting bawk. Hlim taka inneiin a zarah fanaute kan la nei ve ang a, chhungkaw duhawm tak kan la din ang chu tiin duhthu ka sam ṭ hin. Mahse mihring hi duhthusam ang diak diaka awm a lo harsa khawp mai. Khawvel nula dang zawng zawng aia ka thlan, ka rose pâr, chhungte leh ṭ hiante min duh pui vak loh chunga ka neih tâk chuan ka tum ram – vanram tlafual lei Eden , chhawrpial rûn nuam chu min thlen zo lo chiang ngei mai. A mo thar tûka a tho tlai chu a hmâ nia a hah em vang leh zan lama kan khawsak...
Read more