LEHKHA ZIAH DAWNA HRIAT TUR PAWIMAWHTE



Lehkha hi kan ziak \hin a, kan la ziak zel dawn ni pawhin a lang. Khawvelin hma a sawn ang zelin kan la ziak tam tawlh tawlh dawn lehnghal; chuvangin lehkha ziah dawna kan hriat tur pawimawh deuh deuh nia ka hriatte chu ka han ziak lang ve rawih mai a ni.


Mizote hian sâp \awng hawrawp kan \awm bâkah keimahni \awnga grammar hrilhfiahna \awngkam kan neih ve loh avangin sap \awng behchhana ziah loh theih a ni lo va, chuvangin sap \awng thumal pawh kan hmang tamin sap\awng kalhmang kan zui thui hle dawn a ni.

Punctuation:
Punctuation sawi tam ka tum lo; mahse tlêma zawng chu i han sawi teh ang.
 Stops: Hei hi lehkha kan han chhiara kan tâwp deuh chaih chaihna ang chi hi a ni a. Chi hrang hrang a awm: Full Stop, comma, colon,  semi-colon etc., an ni. Sawi tur a tam hle naa tun tumah hi chuan full stop hmanna chauh kan sawi ang. Full stop chu sentence tawpah kan hmang zel tih kan hre tawh a. Chumi bâkah a hmanna dangte chu hetiang hi an ni:-
          Thil Lamtawiah: Thil lamtawiah full stop  hman a ni \hin. Amarawhchu tunlai  hi chuan an hmang lar ta lo viau mai. Heng USA, PLO, NATO, NASA, YMA, PRISM, MUP, MICLUN, etc.,-ah te full stop awm lovin kan hmang ta zel a. A awmzia a chiang bawk a, a pawina a awm lo mai pawh ni lovin a awlsam bawk nen, a \ha zawk viauin a lang a ni.
Amarawhchu full stop hmanna awm taka ngaih hmanna tur ni si lo an awm ve bawk. Thil hming lamtawia tana a hawrawp hmasa ber leh a hnuhnung ber hman a nih hian full stop an hmang lo tlangpui. Entir nân doctor lam tawia tâna Dr hman a nih hian full stop chhut loh tur a ni. Entirnân, Dr. Sanga ti lovin Dr Sanga tih tur a ni. Mahse sap \awng lehkhabu leh chanchinbu tam takah hian an hmang sual ve tih hriat tur. Sap hming kan ziah hian Mr. Bush tih lovin Mr zawha full stop paiha Mr Bush tih tur a ni. Hemi tlukpui Mizo hming pawh hi Pu. Muana ti lovin Pu Muana tih tur a ni ang. Pi. Zovi ti lovin Pi Zovi tih tur.
Hei hi a tlangpuiin Commonwealth rama mite hman dan a nih duh hmel viau laiin America ramah erawh chuan stop an dah deuh zel thung. An rama an hman dan chu “A dik lo ve,” kan zu tihsak ngawt thei lo. Kei erawh chuan full stop ka dah ngai lo thung.
Tin, hming bula nihna dah a nih hian mi nihna chu a phela kan ziahin dot dah tur a ni a, a puma kan ziah erawh chuan dah loh tur. Hetiangin:-

Brig. Sapa   Brigadier Sapa
Gen. Powel  General Powel
Prof. Mawia Professor Mawia
Rev. Hminga         Reverend Hminga
Revd.Manga ni lovin Revd Manga                                 

Seventh-day Adventists-te hian mi min hman pui lem loh pastor lam tawi atan Pr hman kan ching a; keimahni huang chhunga kan hmang a nih chuan a sualna em em awmin ka hre lo. Ama’rawhchu Pastor Rodingliana tih hi a dik a. Mahse a lamtawi kan hman hian Pr.Rodingliana ti lovin Pr Rodingliana tih zâwk tur a ni (Pr zawha stop dah lovin).

Ellipsis (… or ….)
Hei hi thu laklawh deuh, sentence tan bun chhinchhiah nana hman a ni a, a hma lamah emaw, a hnung lamah emaw duh duh zât chhun han ve ngawt tur a ni lo. Hetiang hian, “………chu min vengtu a ni a, ka tlachham lovang. Ani chuan hlobet hring dup…….”  ti lovin hetia tih tur hi a ni. “…chu min vengtu a ni a, ka tlachham lovang. Ani chuan hlobet hring dup….” tiin. Sentence hma lamah chhun han (dot) pathum, sentence tâwp lamah dot pali dah tur a ni. Sentence tawpa dot palina hi full stop anga ngaih tur a ni.
         
Number Ziah Dan: Numbar ziah danah pawh hian hriat tur a lo tam khawp mai. Sâpho chuan thumal lam khat emaw, lam hnih emawa ziah theih chu a figure-a ziak lovin hetiang hian an ziak \hin.
There were twelve girls and twenty-six boys.
-(There were 20 girls and 26 boys ti lovin).
The apples cost twenty-five rupees.
Mahse number za chung lam chu a figure-in an ziak thung. Hetiangin
- There are 525 YMA members.
- (There are five hundred twenty-five YMA members ti lovin).
- There are 170 boys in the class.
Number kan ziah hian ziah pawlh nuaih loh tur a ni.
- Heng thing panga te hi kum 50, 70, 75-a upa an ni(tih loh tur).
Sentence laklawha thil indawt dan kan sawiin a figure-a dah loh hram a \ha. Hetiang hian tih tur:
    3-na, 5-na ti lovin, pathumna, pangana tih zawk tur a ni.
Hun (dates) te, lehkhabu phêk te, thil len zawng te, decimal te, parcentage te, statistical data te leh A.M. leh P.M hmanga dârkâr kan ziahte hian a thua ziak lova figure hman hram hram zâwk tur a ni bawk.
Tin, sâpho (British) chuan number sawmhnih chunglam chu hetiang hian an ziak \hin:           35 (thirty-five),  77 (seventy-seven).
Mizo \awngah chuan pakhat, pahnih hi sawm thleng chuan inhnialna awm lovin a chiang nghal mai a. Mahse sawm chung lam kan ziah dan hi a inang lo nuaih mai. ‘Sawm pakhat’ tiin kan ziak fo \hin a. A ziah dan dik zawk chu ‘sawm leh pakhat’ tih tur niawm tak a ni. Mahse heta ‘leh’ han telh kher hian sentence a tiseiin a tithui mai mai a, chuvangin sâphovin number 20 chung lam an ziak ang hian sawm-pakhat, sawmhnih-panga, sawmsarih-pakhat ti ila a fiah zâwk phianin ka ring.
Bracket Hman A Nihin: Kan thuziah \anpui tura Bible thu kan ziah hian a tawp bracket (a dik tak chuan bracket kan tih hi parenthesis a ni) chhûngah a bung leh chângte kan dah \hin a. Hetah hian kan tisual nasa hle bawk. Bracket hmâ-ah hian full stop  dah miah loh tur a ni. Entir nan, “Pathianin khawvel A hmangaih em em a.” (Johana 3:16). ti lovin “Pathianin khawvel A hmangaih em em a,”(Johana 3:16). tih zawk tur a ni.

Hun Ziah Dan
America leh British-a hun an ziah dan a inan loh avangin fimkhur a \ul hle bawk.
          Entirnan, 9/10/2007 tih chu America ramah chuan September 10, 2007 tihna a ni a, British-ah chuan 9 October 2007 tihna a ni thung. America-ah chuan thla/ ni/kum hi an ziah dan a ni a. British-ah ni/thla/kum hmanga ziah a ni si a, chuvangin khawvel hmun danga lehkha kan thawnin figure ringawt hmang lova, 10 September 2007 emaw, September 10, 2007 emaw tih mai hi a chiang ber ang.

Kum Ziah Dan
Khawvel kum chhiar danah chuan BC leh AD a lar hle a, lehkha han ziah tak tak chuan hmanna a lo tam duh khawp mai. Chuvang chuan a ziah dan dik hriat a \ha. BC chu kum hnung lamah ziah tur a ni a, AD chu a hma lama ziah tur a ni thung. Hetiang hian:           350 BC, AD 350, tiin. BC leh AD hi duh duhna-ah dah tur a ni lo. Mahse tih ka duh. Mizo \awnga thu kan ziah hi chuan BC emaw, AD emaw pawh ni se a hma lama dah ve ve hi chhiar nuam zawkin ka hria, ka tilui fo mai. Entirnan, “Alexander-a chu 300 BC vela mi a ni,”tih ai chuan “Alexander-a chu BC 300 vela mi a ni,” tih hi a chhiar nuam deuh zawkin ka hria.
Mrs, Miss, Ms, MS, M/S: Mizo \awnga mi nihna kan ziah chuan Pu Chhuana, Nl Mawii, Pi Ngheti, Tv Kunga te kan ti a, a chiang viau mai; inhnialna tur a awm lo. Mahse tunlai hian sap \awng lamah kan buai \hin. Sap \awnga Mr Hriata kan tih hian tlangval nge a nih pa a hriat loh a, hemi thik hian hmeichheho pawhin nula nge an nih nu hriat hran theih loh turin an hming bulah Ms dah an ching ve ta. Tin,  Ms hi miz tia lam tur a ni.
Ms leh MS hi hriat pawlh a awl viau bawk. Ms chu miz tia lam tur kan tih tawh kha. MS erawh chu manuscript tihna a ni a, Em Es tia lam loh tur. A lampum manuscript tia lam mai tur a ni.
M/S hi mister tih plural form a ni a. Mi hming ziah tlar dawna Mr dah zel lovin Messrs Mawia, Kunga, Biaka tih nân hman a ni. Misters (pute) tihna a nih avangin dawra M/S Eastern Store tih ngawt chi a ni lo. M/S Hminga & Sons tih zawk tur a ni.
Tin, Mrs tih hi hmeichhia, an pasalte hming hmanga ziahna a ni a, chuvangin Mrs Thangzovi tih hi a dik lo, a pasal hming chawia Mrs Lalchhuanmawia tih tur a ni. Amarawhchu Mizo hmeichhiate chuan a pasalte hming an chhawm ve miau si lo va. Chuvangin a lang mawi vak lo. Chuvangin Mrs Lalnunpari tia ziah hi a pawina em em awmin ka hre lo.  
Mizoram kohhranho sap \awng ziah sual tam ber pakhat chu pastor quarters hi a ni mai thei. Ka tawng tu huatthu lovah UPC leh SDA-te hi a ziak sual tam pâwl kan ni awm e. ‘Quarter’ tih chu hmun lia \hena hmun khat tihna a ni a. ‘Quarters’ chu chenna in tihna a ni. ‘S’ belh leh paihin a awmzia a tidanglam nasa a, fimkhur a \ha.◊ ◊

Comments

Post a Comment

Popular posts from this blog

KA LO TAWN VE - REMRUATI

Image
Kum 1997 November thla chawhma lam a ni a. Chutih laia ka awmna khua chu   kan   khua Thingsulthliah aṭanga kilometer za chuang zeta hla, khaw te reuh te, in za leh sawmriat vel khua a ni. BA pass hlim, tlangval zuan zang tak leh harh vang tak ka ni a, ka awmna khaw tharah chuan Upa Pawl in luahin ka khawsa ve nawk nawk a. Ka kal ngai lohna khua a nih bâkah chhungte han sawi tur pakhatmah kan neih lohna khua a ni a, chuvangin ka awm tirh phei chuan tualchhung mite zingah hriat ka nei lo. Khaw te reuh te a nih avangin a khuaa mite chuan min hre kim thuaiin ka ring a. Middle School awm chhuna thawk thar ka nih avangin mi hriat ka hlawh ve turah pawh ka inngai a ni.   Chu  chu keima fel vang leh vengvat vang ni lovin sikul naupangten an nu leh pate hnena zirtirtu thar an neih thu an sawi ngei dawna ka rin vang a ni zawk mah. Sawrkar hna thawk hlim ka ni a, hlawh pawh ka la nei ve lo. Ka nu leh pate pawisa min paitir hmangin ka khawsa ve mai mai a ni. Tin,...
Read more

NUTHLAWI THIANGHLIM

Image
A Bul Tanna Thalaiho khawhar hla sa rual ṭham ṭham kâra min rawn melh zeuh zeuhtu nuthlawi chu tunhma pawha ka hmelhriat tawh sa ni mah se chumi zan chu a danglam tlat. Lût chhuak an awm reng avangin a tira inṭhut hnaih vak lo kha zan rei lamah chuan   kan  inhnaih sâwt hle a. Zanlai ârkhuan a hun meuh chuan   kan  inkhawih pha der tawh a ni. A hmâ chawlhkar hnih vel kal tawh aṭang khan engemaw titaka khawhar rûkna riau hi ka nei thin; a chhan ka hre lo. Tlangval ngawichawi, rual pawl tam lo tak ka nih vang a ni maithei. College final year ka zir kumah pawh exam mai tur ka ni a. Thil danga inham buai hun loh lai tak a ni nghe nghe. Aizawla kal leh thuai tur ka ni lehnghal. Chutia ka naupan lai atanga ka hmêlhriat tawh nuthlawi, kei aia kum hnih vela upa, fa pahnih nei tawh lehnghal bula ka ṭhu thei ka lawm thar viau mai chu mak intih nachang ka hre lo va. “I tlaivar dawn em? Kei chu haw mai ka duh,” tia min rawn bia ka lo lawm viau mai te chu mak intih ...
Read more

Ka Tlin Ta Ngang Lo Ve

Image
Fate fahrah tur pawh ka dâwn thei ta lo ve. Tunah zawng a vawrtawp a thleng ta; ka dawh peih ta ngang lo a ni. Kan intawn tirh chuan khawvelah nula dang awm thei hian ka hre lo va. An awm a nih pawhin ani tluk tur awmin ka ring lo. Ka chhungten min duhpui lo te chu an hriat chian tâwk loh vangah puhin ka hre thiam lo va, ka hmangaihna tizualtu mai an ni. |hian ṭ haten nei lo tura min tite chu min thik vang leh an bialnute aia a hmel ṭ hat zâwk vangah dahin ka duhna an tizual ting bawk. Hlim taka inneiin a zarah fanaute kan la nei ve ang a, chhungkaw duhawm tak kan la din ang chu tiin duhthu ka sam ṭ hin. Mahse mihring hi duhthusam ang diak diaka awm a lo harsa khawp mai. Khawvel nula dang zawng zawng aia ka thlan, ka rose pâr, chhungte leh ṭ hiante min duh pui vak loh chunga ka neih tâk chuan ka tum ram – vanram tlafual lei Eden , chhawrpial rûn nuam chu min thlen zo lo chiang ngei mai. A mo thar tûka a tho tlai chu a hmâ nia a hah em vang leh zan lama kan khawsak...
Read more