Naupan Laia Ka Thil Hmuh Mak Deuh Deuhte



Naupan laia thil hriat hi chu a chiang lovin a mumang thil deuh fo ṭhin a. Chuvangin heng thil pahnih ka han sawi turte pawh hi a ngaihdan tawk lo thiam mai teh u. Mahse hmuin ka inhre ve miau a ni.


1.   Thlawhna Mak
Engtik kum nge hriat phâk rual a ni tawh lo. Kum 1970-72 bawr vel a ni mai thei. Thingsulthliah Primary School II piah mualah khian mi an la awm deuh nual a. Ka hriat danin in hnih in thum a intlar chho a ni. A hmasa ber chu Pu Mongol-a te in a ni a. Di in te reuh tê, awn deuh beih hi ni maia ka hriat chu. Sikul kan la kal tham lo va, kan ute sikul kal kan zui ve mai mai a ni.
Ni khat chu mipa naupangho hi an tlan chhuak a, Pu Mongol-a te in lam pan chuan an tlan hum hum a. Keini naupang chu an hnung lamah hian kan va tlan ve ni mai khan ka hria. Chung lam an thlirchho va, an kâwk sup sup a. Van lam chu ka han thlir ve a, kan lu chung zawn van sâng tak maiah khian hmar lam hawi zawng hian thil mum tlawn zar mai, thlawhna ni miah lo, thla pawh nei lo, a lu lam leh hma lam pawh awm hrang lo, chhemthei ang maia lian bik leh tê bik pawh awm chuang lo hi a lo thlawk zar zar mai a. A mawng lamah chuan meikhu ang tak hi a rawn zam chhuak ngiai ngiai a. Kan uteho chuan mak tiin an thlir thup a. An râk teng tung bawk a. Mak an tih thu an sawi huai huai bawk. Eng nge a nih tuman kan hre lo hlen ta a ni.

2.   Ramhuai Em Ni?
Kan naupan lai khan zankhat chu kan pawnto a. Kan kawmthlang u Sawma, tuna Sesawnga awm tate kawt chhak hmun rem laia pawnto kan ni. Kan la naupan em avangin engmah kha ka hre chiang tawh lo va, ka mita ka hmuh ngei pawh kha ka ringhlel rum rum fo; mahse ka hmu ve miau si a ni.
Pawnto zir tantir ve chauh kan ni a. Kan la zakzum ang reng khawp mai. Keimaha ka din fal lai chuan ka pawntopuite chu hlauvin an ṭe ta vak vak mai a. An inbawh let tawp tawp a. An inkuah a, hawi pawh hawi chhuak ngam lo chuan an kun tlat a, an ṭe nasa mai. Chutia ṭhiante hlau thlabar thawmah chuan kan thlang sir deuh, “Saw, Saw, Saw,” an tihna lam chu ka va en a. Mi pakhat hmul var vek, a ke ler aṭanga a chhip thlenga hmul vârin a tuam chhuah, hmelchhe zet mai leh lian zet mai hi a lo phar dû mai a. Ka hlau lutuk chuan ka ṭhianteho chu ka va bawh ve ta a. Kan hawi chhuak ngam mai lo. Eng tin nge kan awm tak zel phei zawng ka hre zui hlei lo va. 








Comments

Post a Comment

Popular posts from this blog

KA LO TAWN VE - REMRUATI

Image
Kum 1997 November thla chawhma lam a ni a. Chutih laia ka awmna khua chu   kan   khua Thingsulthliah aṭanga kilometer za chuang zeta hla, khaw te reuh te, in za leh sawmriat vel khua a ni. BA pass hlim, tlangval zuan zang tak leh harh vang tak ka ni a, ka awmna khaw tharah chuan Upa Pawl in luahin ka khawsa ve nawk nawk a. Ka kal ngai lohna khua a nih bâkah chhungte han sawi tur pakhatmah kan neih lohna khua a ni a, chuvangin ka awm tirh phei chuan tualchhung mite zingah hriat ka nei lo. Khaw te reuh te a nih avangin a khuaa mite chuan min hre kim thuaiin ka ring a. Middle School awm chhuna thawk thar ka nih avangin mi hriat ka hlawh ve turah pawh ka inngai a ni.   Chu  chu keima fel vang leh vengvat vang ni lovin sikul naupangten an nu leh pate hnena zirtirtu thar an neih thu an sawi ngei dawna ka rin vang a ni zawk mah. Sawrkar hna thawk hlim ka ni a, hlawh pawh ka la nei ve lo. Ka nu leh pate pawisa min paitir hmangin ka khawsa ve mai mai a ni. Tin,...
Read more

NUTHLAWI THIANGHLIM

Image
A Bul Tanna Thalaiho khawhar hla sa rual ṭham ṭham kâra min rawn melh zeuh zeuhtu nuthlawi chu tunhma pawha ka hmelhriat tawh sa ni mah se chumi zan chu a danglam tlat. Lût chhuak an awm reng avangin a tira inṭhut hnaih vak lo kha zan rei lamah chuan   kan  inhnaih sâwt hle a. Zanlai ârkhuan a hun meuh chuan   kan  inkhawih pha der tawh a ni. A hmâ chawlhkar hnih vel kal tawh aṭang khan engemaw titaka khawhar rûkna riau hi ka nei thin; a chhan ka hre lo. Tlangval ngawichawi, rual pawl tam lo tak ka nih vang a ni maithei. College final year ka zir kumah pawh exam mai tur ka ni a. Thil danga inham buai hun loh lai tak a ni nghe nghe. Aizawla kal leh thuai tur ka ni lehnghal. Chutia ka naupan lai atanga ka hmêlhriat tawh nuthlawi, kei aia kum hnih vela upa, fa pahnih nei tawh lehnghal bula ka ṭhu thei ka lawm thar viau mai chu mak intih nachang ka hre lo va. “I tlaivar dawn em? Kei chu haw mai ka duh,” tia min rawn bia ka lo lawm viau mai te chu mak intih ...
Read more

Ka Tlin Ta Ngang Lo Ve

Image
Fate fahrah tur pawh ka dâwn thei ta lo ve. Tunah zawng a vawrtawp a thleng ta; ka dawh peih ta ngang lo a ni. Kan intawn tirh chuan khawvelah nula dang awm thei hian ka hre lo va. An awm a nih pawhin ani tluk tur awmin ka ring lo. Ka chhungten min duhpui lo te chu an hriat chian tâwk loh vangah puhin ka hre thiam lo va, ka hmangaihna tizualtu mai an ni. |hian ṭ haten nei lo tura min tite chu min thik vang leh an bialnute aia a hmel ṭ hat zâwk vangah dahin ka duhna an tizual ting bawk. Hlim taka inneiin a zarah fanaute kan la nei ve ang a, chhungkaw duhawm tak kan la din ang chu tiin duhthu ka sam ṭ hin. Mahse mihring hi duhthusam ang diak diaka awm a lo harsa khawp mai. Khawvel nula dang zawng zawng aia ka thlan, ka rose pâr, chhungte leh ṭ hiante min duh pui vak loh chunga ka neih tâk chuan ka tum ram – vanram tlafual lei Eden , chhawrpial rûn nuam chu min thlen zo lo chiang ngei mai. A mo thar tûka a tho tlai chu a hmâ nia a hah em vang leh zan lama kan khawsak...
Read more