DONALD TRUMP


Donald Trump
Kum 2016 November thlaa US president inthlan chu kum danga an inthlang ang lo takin civil mi, politician ni ngai reng reng lo sumdawng hausa Donald Trump-a  America president 45-na ni turin a tling tlat mai. A tir, primary election aṭang tawhin mak tih a hlawh tawh a, a han tling phei kha chu mak tih a hlawh lehzual.
 Kum 1980 inthlana Ronald  Reagan-a leh Jimmy Carter-a an inkhin aṭang tawhin America president thlan khu ka lo ngaihven ve tawh a; khatih lai khan pawl li ka ni a, chuti chung chuan ka ûteho zarah ka lo ngaihven ve nasa a. Pastor L.Sawihthanga lehkhabu Ka Fan Ram tih ka chhiar hnu phei chuan America inthlan dan chu ka hre chiang ve ta viauin ka hre bawk.
Donald Trump-a leh Hillary inkhing erawh chu ka ngaihven peih lo va, ngaihven loh ka tum lui ve deuh bawk. Mahse khawvel titi a nih miau avang leh chanchinbu leh media dangah a lan tam hrim hrim avangin hriat loh theih a ni si lo va, a tawp dawn lamah ka ngaihven tlaikhawhnu ve leh si a ni.
Politician pawh ni lovin politic-a mi senior pui pui, sapho zingah pawh kei ka ni inti ve ngam ṭhiau a han lehthal hmiah hmiah mai te kha ngaihnawm ka lo ti a. Politik-a tawn hriat ngah zawk leh inti-smart zawkte lehthal tura a remhriatzia leh mi rilru a hneh theih dan kha a mak bawk. Mipui vote hmuh tum tan chuan mipui mit la ber leh mi sawi tam ber nih a ngai a. A bikin ani ang politik-a mi hriat hlawh ngai lo tan chuan a ṭul lehzual bawk. A hmasain America rama mi tam zawkin an nin em em leh ṭha an tih hauh loh, mahse an sawi lan ngam mang loh, mi tihlawm loh hlau reng renga khawsa politician-ho sawi ngam loh Mexico aṭanga rawn pem lutte hnawksakzia a han sawi a. Chu chuan mi hriat hlawh lo tur kha sang takah a vawrh chho ta a. A thusawi kha a ṭha emaw, ṭha lo emaw chu thudang ni se mi ngaihven ber a nihtir ta a ni. A thusawi hian mi tam tak a tithinur a, hei vang hian vote tam tak a hloh thei bawk. Mahse a risk fuh khawp a, hemi a sawi avanga Mexican aṭanga lut rute vote a hloh aia tam daih vote a hui dawn tih a boruakah khan a lang thei a ni.
Thil pangngai awm reng chu mihring hian kan ning fo. Trump-a hian chu chu a hre chiang a, a hman ṭangkai dan pawh a thiam hle.; a hlawhtlinpui ta a nih hi. Hetianga thil pangngai reng ninna hi ant-establishment an ti a. Chutiang rilru chu Donald Trump-a hian a tlawhtlinpui ni berin a lang.
Inthlan campaign lai khan an inbei nasa hle. An mihring nun kal tawh nen lam an inphawrhsak leuh mai a nih kha. Kha khan mihring nun uluk pawimawhzia te pawh min hriattir sela a ṭha nghe nghe ang. Kan tunhma nun khan kan min um reng a, min tibuai zui fo bawk. Mi hmingthang leh lar ni ve kher lo mah ila kan nun dan hi kan uluk loh chuan mi hriat loha zah ruk veng veng te, mi hriat loha buai chuk chuk te kan tawng fo ṭhin.
Mi rin hlawh lo, ama party hruaitute ngei pawhin an duh loh, an sawisel luai luai chuan hnehna a chang miau si a; khawvel hian a ngaihven lo thei lo a ni. Keini India hmarchhak kil, mi tlawh pawh vak loh ram aṭang pawhin kan lo buaipui a, kan inhnial phah nasa hle bawk. President Obama kha president a nih tirh kha chuan kristian zingah sakawlh a nih theih dan sawi tur hria an tam hle a. Keini kohhran thuhriltute zingah pawh sakawlha puh ve chiah si lova sakawlh nena ṭang duna khawvel tawpna tur chhunchhiahna thlentirtu tura sawi an awm nual; a video nen lama entir tur nei pawh kan awm.
Khawvel let liama mi pakhat chanchin kan ngaihven viau mai leh kan buaipui luih luih mai hi a chang chuan ho ka ti hle ṭhin a. Mahse khawvel kalphung thlak danglam daih thei mihring an nih tlat avangin a pawimawh lo thei lo a ni. Ngaihven pawh an phu e.◊


Comments

Post a Comment

Popular posts from this blog

KA LO TAWN VE - REMRUATI

Image
Kum 1997 November thla chawhma lam a ni a. Chutih laia ka awmna khua chu   kan   khua Thingsulthliah aṭanga kilometer za chuang zeta hla, khaw te reuh te, in za leh sawmriat vel khua a ni. BA pass hlim, tlangval zuan zang tak leh harh vang tak ka ni a, ka awmna khaw tharah chuan Upa Pawl in luahin ka khawsa ve nawk nawk a. Ka kal ngai lohna khua a nih bâkah chhungte han sawi tur pakhatmah kan neih lohna khua a ni a, chuvangin ka awm tirh phei chuan tualchhung mite zingah hriat ka nei lo. Khaw te reuh te a nih avangin a khuaa mite chuan min hre kim thuaiin ka ring a. Middle School awm chhuna thawk thar ka nih avangin mi hriat ka hlawh ve turah pawh ka inngai a ni.   Chu  chu keima fel vang leh vengvat vang ni lovin sikul naupangten an nu leh pate hnena zirtirtu thar an neih thu an sawi ngei dawna ka rin vang a ni zawk mah. Sawrkar hna thawk hlim ka ni a, hlawh pawh ka la nei ve lo. Ka nu leh pate pawisa min paitir hmangin ka khawsa ve mai mai a ni. Tin, lehkha zir zawm le
Read more

TUNLAI KHAWVEL HMASAWNNA LEH KRISTIAN THALAITE.

Image
                                                                        Introduction.             Kum 1991 July thla-a Economic Policy thar a hman atang khan India ram hian khawvel ram dangte awh thamin hma a sawn a. Chu chuan khawsak a tiawlsam ringawt  lo va, hmasawnna a kal chak a ni satliah lo; hnam nunphung leh khawsak dan a sawi nghing a, thalai nun a nghawng em em mai a ni. He Economic Policy thar avanga kan hmasawnna hian culture thar min pe a, chu chu a thenin an chhiat pui laiin khawvel thila changkan pui fê fê pawh an tam hle. Adventist thalaite hian khawi lam kawng nge kan zawh ve dawn tih hi ngaihtuah tlan a tul khawp mai. Tunlai Kan Dinhmun             Mizoram pum huapin han sawi ta ila. Kan khawtlang nun hrim hrimah hian kan lungawi em? Mizote hi khawvela inkhawm tam ber, Pathian fak nasa ber, kohhran program ngah ber kan ni mai thei. Heti chung hian sawrkar hnathawk leh politician zingah corruption a hluar em em a, sumdawng lian leh tê, bazar
Read more

A LOVE STORY

Ka Thil Tawn New Delhi a\angin kan awmna khua, India chhim lama khawpui pangngai ve tak chu rêlin ka kal a. Ka chuanna pindanah chuan Mizo hmeichhe pahnih hi an chuang ve a. Kan \hutna chu a inhlat lo naa kan inbe pawh mai lo. Zing lama chhuak kan ni a. Chawhnu lamah kan inbe pawp chauh a ni. Kan awmna khua-ah chuan ka pain hna a thawh avangin kan awm a. Kan awmna pawh a la rei lutuk lo. Ka pa chu sipai officer pension a ni a. Ka nu erawhchu defence account lamah a thawk a, a la pension lo deuh; a senior pawl a nih avangin a lal tawh hle. Ka pa quarters-ah kan la awm a. Mahse ka nu chu defence account lam mi a nih avangin Pune lamah kan insawn thuai a rinawm. Unau pathum zinga a upa ber ka ni a. Ka naute chu lehkha zirin hmun dangah an awm a. Kei erawh chuan lehkha zir zovin hna ka zawng mek a. Hmuh thuai pawh ka inbeisei. Ka zinpui zinga a upa zawk Pi Dingpuii chu vai pasal nei, a pasal awmnaa kal tur a ni a. A naupang zawk Mahriati chu kan awmna khawpuia kal tur a ni. Chanc
Read more