BIBLE PAWN LAMA MITHIAMTE HRILHLAWKNA

                                                                       

Introduction.
Hmanlai ata tawh mi tam takin khawvel hi la chhe ngei dawna ngaihna leh chhe thuai tura hriatna rilru an lo nei tawh thin a. Chu chuan mi rilru a luah nasain thenkhat phei chuan an buai phah nasa thin hle. He rilru hian mimal bakah vantlang nun leh sawrkar hial pawh a tibuai thei a ni.
Pathian thlarau hruai ni lem lo; Setana hruai ni bik lutuka lang si lo mi thiam ho zingah pawh an thiamna hmachhuan a, hmanhmawh fê fêa khawvel chhe tur hrilh lawk hi an tam tawh khawp mai. Hengte hi ngaihtuah chiang mang lova sermon nghahchhanah hman vak theih an ni.  Khawvel hi a chhe tawlh tawlh tih hi zêp rual chu ani lo va. Mahse hmanhmawh lutukah inchhuih tluk palh awm thei a ni a. Fimkhur a ṭul hle. Chuvangin tlem azawng chu i han sawi ang hmiang.

Mihring Pung Chak Lutuk

               Khawvel mihring kan lo pung zel a. Kum zabi 20-na tawp dawn lamah phei chuan kan pung chak lehzual hle mai.  Hemi denchhen hian mi tam takin khawvel chu chhe mai turah an ngai fo thin.

Hetia mihring pung chak lutuk avanga harsatna hi Bible hun lai aṭanga awm tawh a ni tih Gen 13:6-9-ah kan hmu a. Tin, Grik mifing pakhat Euripides-a phei chuan hmanlai indona hmingthang tak ‘Trojan War’ pawh kha mihring tam lutuk vang niin a lo ziak daih tawh a ni. Isua pian hma daih tawh khan mifing dang Polybius leh Plato-a(428-348BC).te chuan mihring pung chak lutukin a nghawng tur  ei leh bar harsatnate, nungcha, ramngaw etc...in an tawrh dan turte chu an lo vei hle tawh a. Isua pian hnu-ah mifing pakhat Tertullian-a pawhin hemi chungchang hi a ziak bawk. Amarawhchu khawvel hriat thama au chhuahpui tak taktu chu ‘Essay On Population’ tih ziaktu Cambridge University-a professor Thomas Robert Malthus-a(1842-1924 AD) a ni. Ani chuan khawvel hi rei lo te-ah mihring pung chak lutuk avanga buai thuai tur leh tampui mitthi tawk thuai turin a hrilh lawk a. A bikin Bristish leh Europe ramte chu dinhmun hlauhawm takah an ding ani a ti.

Kum 1802 khan Dutch sawrkar hotu lian pakhat chuan Java thliarkar (Indonesia) mihring maktaduaih li (4) chu tam uchuak (overcrowded) niin a ziak tawh a. Tunah hian mihring maktaduaih 107.6 an awm tawh a. Tam lutuk (overcrowded) tih a la ni reng tho. Kum 1948 khan Fairfield Osborn-a chuan “Our Plundered Planet”  tih bu ziakin khawvel hian mihring tluklehdingawn hnih (2 billion) bak a chawm zo lovang a ti a. Mahse tunah hian tluklehdingawn ruk aiin kan tam tawh a, kum 1948 aiin kan hausa a, ei leh barah kan hnianghnar zawk a, khawsak a awlsam zawk bawk.

India ram bikah pawh independent hlima mihring zat chhuttu leh thlirtu tam tak chuan India ram chu tampui mitthi hmabak reng ang leh mihring tam lutuk avanga rethei zual zel a, inenkawl zo mang lo turah an ngai thin a. Mahse kum 1921-a mihring maktaduaih 251 kan nih lai ai khan tuna maktaduaih 1027 kan nih hnu hian ei leh barah nasa takin kan intodelh zawk a. Kan hnianghnar zawk bakah ei a tha a, kan hrisel zawk a, kan dam rei zawk a, eitur nei lova vakvai leh kutdawh hrim hrim pawh kan tlem zawk bawk. Tunah hian buhfai leh wheat-te phei chu a tam lutuk hi kan buaipui zawk a ni.

Kum 1968 khan Stanford University-a biologist pakhat Paul Ehrlich-a pawhin  ‘The Population Bomb’ tih chhuahin kum 1980 bawr chho velah chuan USA pawhin eitur a sem rual (rationing) a tul tawh ang a tih bakah kum 1984-ah pawh khan USA chu tui tlachhamin a boral mek ani a ti leh pek a. A hrilhlawknate hi thleng dik an awm lo; USA chu eitur sem rual ngai (rationing) khawpa tlak hniam chu sawi loh kum 1981 tir lama Ronald Reagan-an president nihna a chelh atangin an economic dinhmun chu a tha chho ta viau zawk a. Tin, tun thlengin tui tlachhama boral mek tih tur chu an la ni lo. Paula Ehflich-a vek hian kum 1969 khan kum 1977-ah chuan tuifinriat atanga sangha man zo zaite hi ton maktaduaih 30-ah tlahniamin mihring maktaduaih 50 zetin tampui mitthi an tuar (thi) bawk ang, a ti a. Mahse kum 1977-a khawvel pum sangha man zah chu maktaduaih 70 zet a ni thung. Mihring maktaduaih 50-in tampui mitthi an tuar hek lo.

Kum 1982 khan ‘Club of Rome’ president Aurelio Peccei-a chuan ‘One Hundred Pages for the Future’ tih bu chhuahin khawvel hi rei lo teah mihring pung chak lutuk avang te, natural resources lo kiam zel avangtea boral thuai turin a hrilh lawk vak bawk a. Mahse an beisei ang hun a lo thlen chuan khawvel hi a hausa tawlh tawlh zawk a ni.

Global 2000


            Mifing leh lehkhathiam-ho hrilhlawkna zinga lar ber pakhat leh khawvel pawhin a lak thutak ber ni hiala lang, dawt mai lo chang ta si ( a vai chuan ani bik kher lovang a) chu kum 1980-a copy maktaduaih khat zet an hralh chhuah, tawng chi ngaa lehlin, US President Carter-a meuh pawhin a lo enzui tur committee a din phahna “Global 2000 Report” kha a ni. Chanchinbu lar tak tak Times leh Newsweek-te pawhin an chhuah chhawng nasa hle a. Tin, W.Germany sawrkar pawhin a lo thlir chiang ve turin committee a din hial bawk.

He ‘Global 2000 Report’ sawi danin kum 2000-ah chuan –

v  Mihring tawt lutuk avanga harsatna a nasa hle ang.
v  Tui leh boruak a bawlhhlawh lutuk tawh ang.
v  Khuarel thil (Environment and natural force) an danglam thut thut tawh ang.
v  Natural resources a lo kiam nasat dawn avangin thil man a to hle ang.
v  A tlangpuiin kum 1980 aiin 2000-ah chuan khawvel mihring hi kan rethei zawk ang.
v  Kum 1980 aiin kum 2000-ah ei leh bar kan harsa zawk fe ang.
v  Lo atana neih tlak ram za zela pali zel chauhvin a pung dawn a. Chu chuan mihring pung zel hi a chawm zo tawh lo vang.
v  Acid Rain, (ruah thur) a sur nasa hle ang.
v  Energy lakna oil leh thildang a vang tawh hle bawk ang.

Hengte hi a tlangpui chauh an ni. Thil zawng zawng hi a ṭha lam zawngin a kal vek kan tihna chu a ni lo. Mahse Pathian hmangaihna leh dawhtheihna vangte pawh ani ang chu-kum 1980 aiin 2000-ah chuan khawvel hi ei leh barah a awlsam zawk a. Kan hausa zawk a, kan hrisel tlangpui zawk a, chawhruala kan dam chen pawh a rei zawk bawk.
            A bikin natural resources-te mihring pung zel chawm zo khawp awm dawn tawh mang lo leh thil man to viau tura an hrilhlawknate chu an dik lo hle a. Kum 1980 aiin 2000-ah hian natural resources-te pawh kan hnianghnar zawkin kan hmang tam zawk daih a ni. Tin, oil pawh kan hmang tam zawk a, a hunlai pawisa hlutna nena chhutin a tlawm zawk a, kan hnianghnar zawk bawk. Tin, bungraw tam tak, a bikin electronic bungruate phei chu kum 1980 aia tlawm zawk, tha zawk bawk si a tam em em zawk a ni.

            Pathianin leilung hausakna a dah hian mihring tluklehdingawn 50 (50 billion) lai pawh chawm zo turin mithiam tam tak chuan an chhut zawk hial a. Tuipui hnuai hausakna te kan hai chhuah thiam tak tak hunah phei chuan tun ai hian kan la nuamsain kan hniang hnar zawk fe dawn ani an ti bawk. Mi thenkhat hmanhmawh deuhte chuan oil khurte hi kang thuai turin an sawi thin. Mahse rin aiin an daih rei dawn.

Nostradamus:
            Juda mi, December 14, 1503-a piang Nostradamus-a hi a lar rei ta hle mai. Hrilhlawkna sang thum zet a puang a. A lehkhabu ‘Centurian’ hrilhfiahna pakhat, ‘Who Will Survive 1999?’ tih ziaktu Stephen Paulus-a chuan Nostradamus-a hrilhlawkna te hi a zatve aia tam an thleng dik lo a ti. Kum 1991 thla sarihna-ah van atangin awptu nunrawng a lo chhuk ang a tih chu khawvel tawp a sawina emaw an ti fo. Mahse Nostradamus-a hian kum 3797 AD thleng a hrilhlawk zawk a. Hemi kuma khawvel tawp tur hian a sawi. A hrilhlawkna zinga thleng dik lo tam zawkzia sawi lo hian a tihdik tlem hian sawi a hlawh em em a, ringtute tan buaipui chi a ni lo.

Bible Chauh:
            Ringtute tan chuan Bible chauh lo chu khawvel mithiamte-ah rinna nghah vak loh a ṭha. Tin, khawvel hian chhiat lam a pan mek a, a la chhe vek dawn tih hi hai rual a awm lo ve. Mahse Bible kal pela thui tak tak hrilhlawk emaw, Bible pawn lama hrilhlawkna te him lohzia erawh hi chu hriat reng fo tur a ni. Sap chanchinbu pahnih khata tuten emaw uar deuh hlaiha khawvel chhe lam an sawi atangte, thusawi thiam sermon ngaihthlak fuh deuh avanga khawvel tawp mai tura ngaihte hi sual lian ni lo mah se fimkhur a tha hle. Tunlaiin internet-ah mi kalfawr ṭhenkhatin hetiang lam thu hi thehdarh an ching riau bawk a. Tawngtaina nen fimkhur taka ngaihtuah ṭhin tur a ni.

            Khawvel hian a chhe lam sawina hi kan ngaihvenin kan beng pawh a verh rang hle thin. Kum 1991-a chhuak Larry Burkett-a ziak ‘The Coming Economic Earthquakes’ tih bu(Moody Press, Chicago. 1991) pawh tute emaw chuan a kum leh 1992 chuan Book of the Year-ah an lo thlang mai a. Mahse he lehkhabu hi a chhuah tirha ṭha awm tak kha 2004 kum tawp lam aṭanga han thlirkir leh chuan Book of the Year ema thlan tur chu niin ka hre lo. Economic chungchanga a thu sawi lawkte hi a rintlak vek bik lo khawp mai. Mahse a chhe lam zawng sawina anih avangin khawvelin a ngaihven a, mi beng a verh tlat si a ni.

            Tin, environment chhiat tawhzia hi NGO (tlawmngai pawl) tam tak chuan thiam em emin an sawi a. An sawi chhiat nasat poh leh ṭanpuina an dawng tam dawn tihna a ni a. Hengho sawite hi awih chin tawk neih a ṭha ve mai mai khawp bawk.

            Environment-te hi a chhe tawh em em a. Khaw awm dan pawh a mumal lo hle tawh mai. Thlipui, lirnghing, tuilian, kangmei leh khawkheng a tam a, chu chuan khawvel chhiat tawhzia a entir kan tithei ang.Tuna khawvel awm dan en hian Isua chu a lo kal thuai tawh ang tih a rinawm; zep rual a ni lo. Mahse rin hnaih lutuk hi rin hlat ang bawka inchhuih sual theih tak mai a ni. “Lalpa in Pathan chu ring ula, nghet  takin in awm dawn nia; a zawlneite chu ring ula, hmuingil takin in awm dawn nia” 2 Chron 20:20

            “He ram chanchin tha hi, khawvel hnam zawng zawng hriattirna turin khawvel zawng zawngah hrilhin a awm ang; chu mi zawhah chuan tawpna chu a lo thleng ang” (Math 24:14) tih thu hrilhlawkna hi a la ding reng a. Heng thu awmsa rin mai hi a la him ber bawk. Tin, he chang tawite hian ringtu zawng zawngte hi khawvel puma chanchin ṭha thehdarh turin thu (duty) min pe vek a. Chu  chu ṭhahnemngai takin thawk ṭheuh bawk ila Isua chu a lo kal thuai mai dawn a ni.


            Amen, lo kal ta che Lalpa Isu.

Comments

Post a Comment

Popular posts from this blog

KA LO TAWN VE - REMRUATI

Image
Kum 1997 November thla chawhma lam a ni a. Chutih laia ka awmna khua chu   kan   khua Thingsulthliah aṭanga kilometer za chuang zeta hla, khaw te reuh te, in za leh sawmriat vel khua a ni. BA pass hlim, tlangval zuan zang tak leh harh vang tak ka ni a, ka awmna khaw tharah chuan Upa Pawl in luahin ka khawsa ve nawk nawk a. Ka kal ngai lohna khua a nih bâkah chhungte han sawi tur pakhatmah kan neih lohna khua a ni a, chuvangin ka awm tirh phei chuan tualchhung mite zingah hriat ka nei lo. Khaw te reuh te a nih avangin a khuaa mite chuan min hre kim thuaiin ka ring a. Middle School awm chhuna thawk thar ka nih avangin mi hriat ka hlawh ve turah pawh ka inngai a ni.   Chu  chu keima fel vang leh vengvat vang ni lovin sikul naupangten an nu leh pate hnena zirtirtu thar an neih thu an sawi ngei dawna ka rin vang a ni zawk mah. Sawrkar hna thawk hlim ka ni a, hlawh pawh ka la nei ve lo. Ka nu leh pate pawisa min paitir hmangin ka khawsa ve mai mai a ni. Tin,...
Read more

NUTHLAWI THIANGHLIM

Image
A Bul Tanna Thalaiho khawhar hla sa rual ṭham ṭham kâra min rawn melh zeuh zeuhtu nuthlawi chu tunhma pawha ka hmelhriat tawh sa ni mah se chumi zan chu a danglam tlat. Lût chhuak an awm reng avangin a tira inṭhut hnaih vak lo kha zan rei lamah chuan   kan  inhnaih sâwt hle a. Zanlai ârkhuan a hun meuh chuan   kan  inkhawih pha der tawh a ni. A hmâ chawlhkar hnih vel kal tawh aṭang khan engemaw titaka khawhar rûkna riau hi ka nei thin; a chhan ka hre lo. Tlangval ngawichawi, rual pawl tam lo tak ka nih vang a ni maithei. College final year ka zir kumah pawh exam mai tur ka ni a. Thil danga inham buai hun loh lai tak a ni nghe nghe. Aizawla kal leh thuai tur ka ni lehnghal. Chutia ka naupan lai atanga ka hmêlhriat tawh nuthlawi, kei aia kum hnih vela upa, fa pahnih nei tawh lehnghal bula ka ṭhu thei ka lawm thar viau mai chu mak intih nachang ka hre lo va. “I tlaivar dawn em? Kei chu haw mai ka duh,” tia min rawn bia ka lo lawm viau mai te chu mak intih ...
Read more

Ka Tlin Ta Ngang Lo Ve

Image
Fate fahrah tur pawh ka dâwn thei ta lo ve. Tunah zawng a vawrtawp a thleng ta; ka dawh peih ta ngang lo a ni. Kan intawn tirh chuan khawvelah nula dang awm thei hian ka hre lo va. An awm a nih pawhin ani tluk tur awmin ka ring lo. Ka chhungten min duhpui lo te chu an hriat chian tâwk loh vangah puhin ka hre thiam lo va, ka hmangaihna tizualtu mai an ni. |hian ṭ haten nei lo tura min tite chu min thik vang leh an bialnute aia a hmel ṭ hat zâwk vangah dahin ka duhna an tizual ting bawk. Hlim taka inneiin a zarah fanaute kan la nei ve ang a, chhungkaw duhawm tak kan la din ang chu tiin duhthu ka sam ṭ hin. Mahse mihring hi duhthusam ang diak diaka awm a lo harsa khawp mai. Khawvel nula dang zawng zawng aia ka thlan, ka rose pâr, chhungte leh ṭ hiante min duh pui vak loh chunga ka neih tâk chuan ka tum ram – vanram tlafual lei Eden , chhawrpial rûn nuam chu min thlen zo lo chiang ngei mai. A mo thar tûka a tho tlai chu a hmâ nia a hah em vang leh zan lama kan khawsak...
Read more