Mi Rethei Thleng Pha Lo Thuhriltu


HO MAI MAI (Mi Rethei Thleng Pha Lo Thuhriltu)
Hmanah kan khua atanga hla tak, telephone pawha inbiak mai mai phak lohna khaw pakhatah hian eng emaw mai mai tiin ka zin mai mai a. Chu ka zinna khuaa thil thleng chu engemaw ti mai mai hian ka thlir mai mai a. Chuta ka thil hmuh chu a dik vek e chu ka ti hauh lo naa ka han sawi mai mai teh ang.
Chu khua-ah chuan gospel camping hi an lo nei mup mup thin hi a lo ni a. Chu gospel camping-a a meizang hlaptute, a bikin an thuhriltupa ber chu khaw khata a neinung ber chhungkua chuan duat sa loha duatin an lo thleng a. An fate tan pawh an pek phal zen zen loh eitur tui tinreng an lo hlui a. An lirthei changkang ber ber hmangin an hruai kual a. Chu thuhriltupa pawh chuan incheina tha ber bera inthuamin electronic hmanraw changkang ber ber a lek vel a. A rimtui inhnawih leh a behbawm ringawt pawh kohhran member rethei deuh tan chuan chhungkaw budget buai lawihna thama man to a ni. A thawmhnaw bal leh la bal vak lo thlengin an thlen inte chuan an suksak vek a. A pheikhawk pawh an nawh tletsak var reng thei a ni. Chief minister pawh thleng se an tihsak duh miah loh tur thleng thlengin an tihsak huam zu nia.
Chu thuhriltu ropui tak, changkang em em, inchei nalh em em, eitur tha leh chaw hrisel hre em em chu kohhrana mi rethei zawkte chuan ban phak loha theirah tui tak thlir hian an thlir a. A thusawi zo biak in kawngkapui bula an chibai ve zawk tih loh chu he thuhriltu lakah hian chanvo reng reng an nei lo va, an ina thleng a, an ei ang ei a, an in ang in ve turte phei chuan an beisei ngam lo reng reng a. Mumang lamah pawh an mang pha lo. An ina thleng turin sawm ve chhin se chhuanlam nalh tak hmangin a hnar dawn tih an hre sa te pwh a ni mahna. Anni mi retheite chuan Isua leh a zirtirte kha lo kal zawk se chuan an inah chaw ei tur te’n an sawm ang a, Petera leh Jacoba te nen Isua hovin zanriahah antam tuihang an hawp ang a, inthlahrung hauh lovin dap chhuatah an muttir ang a. A tuk zing thawh veleh Johana leh Marka te chuan tual an phiat ang a, thing an eh pui chawrh chawrh ang. Tukthuan chawhmehah tamkawr tlak leh sihneh bai an hmehpui ang a, chaw ei khamah dul hmul khat phuarin an puar thu an inhrilh an inhrilh mai ang.
Chu khuaa ka thil hmuh chu dik maw, dik lo maw? Pathian chauhin a hria.


Comments

  1. J. RinteaMay 4, 2020 at 10:53 AM

    Hahaha.. A dik ang. A veiawm asin. Berampu thenkhat leh rawngbawltu te dinhmun a ni e. Ka sawi thiamloh, ka hmuh ve tho si anih hi mawle.

    ReplyDelete

Post a Comment

Popular posts from this blog

KA LO TAWN VE - REMRUATI

Image
Kum 1997 November thla chawhma lam a ni a. Chutih laia ka awmna khua chu   kan   khua Thingsulthliah aṭanga kilometer za chuang zeta hla, khaw te reuh te, in za leh sawmriat vel khua a ni. BA pass hlim, tlangval zuan zang tak leh harh vang tak ka ni a, ka awmna khaw tharah chuan Upa Pawl in luahin ka khawsa ve nawk nawk a. Ka kal ngai lohna khua a nih bâkah chhungte han sawi tur pakhatmah kan neih lohna khua a ni a, chuvangin ka awm tirh phei chuan tualchhung mite zingah hriat ka nei lo. Khaw te reuh te a nih avangin a khuaa mite chuan min hre kim thuaiin ka ring a. Middle School awm chhuna thawk thar ka nih avangin mi hriat ka hlawh ve turah pawh ka inngai a ni.   Chu  chu keima fel vang leh vengvat vang ni lovin sikul naupangten an nu leh pate hnena zirtirtu thar an neih thu an sawi ngei dawna ka rin vang a ni zawk mah. Sawrkar hna thawk hlim ka ni a, hlawh pawh ka la nei ve lo. Ka nu leh pate pawisa min paitir hmangin ka khawsa ve mai mai a ni. Tin,...
Read more

NUTHLAWI THIANGHLIM

Image
A Bul Tanna Thalaiho khawhar hla sa rual ṭham ṭham kâra min rawn melh zeuh zeuhtu nuthlawi chu tunhma pawha ka hmelhriat tawh sa ni mah se chumi zan chu a danglam tlat. Lût chhuak an awm reng avangin a tira inṭhut hnaih vak lo kha zan rei lamah chuan   kan  inhnaih sâwt hle a. Zanlai ârkhuan a hun meuh chuan   kan  inkhawih pha der tawh a ni. A hmâ chawlhkar hnih vel kal tawh aṭang khan engemaw titaka khawhar rûkna riau hi ka nei thin; a chhan ka hre lo. Tlangval ngawichawi, rual pawl tam lo tak ka nih vang a ni maithei. College final year ka zir kumah pawh exam mai tur ka ni a. Thil danga inham buai hun loh lai tak a ni nghe nghe. Aizawla kal leh thuai tur ka ni lehnghal. Chutia ka naupan lai atanga ka hmêlhriat tawh nuthlawi, kei aia kum hnih vela upa, fa pahnih nei tawh lehnghal bula ka ṭhu thei ka lawm thar viau mai chu mak intih nachang ka hre lo va. “I tlaivar dawn em? Kei chu haw mai ka duh,” tia min rawn bia ka lo lawm viau mai te chu mak intih ...
Read more

Ka Tlin Ta Ngang Lo Ve

Image
Fate fahrah tur pawh ka dâwn thei ta lo ve. Tunah zawng a vawrtawp a thleng ta; ka dawh peih ta ngang lo a ni. Kan intawn tirh chuan khawvelah nula dang awm thei hian ka hre lo va. An awm a nih pawhin ani tluk tur awmin ka ring lo. Ka chhungten min duhpui lo te chu an hriat chian tâwk loh vangah puhin ka hre thiam lo va, ka hmangaihna tizualtu mai an ni. |hian ṭ haten nei lo tura min tite chu min thik vang leh an bialnute aia a hmel ṭ hat zâwk vangah dahin ka duhna an tizual ting bawk. Hlim taka inneiin a zarah fanaute kan la nei ve ang a, chhungkaw duhawm tak kan la din ang chu tiin duhthu ka sam ṭ hin. Mahse mihring hi duhthusam ang diak diaka awm a lo harsa khawp mai. Khawvel nula dang zawng zawng aia ka thlan, ka rose pâr, chhungte leh ṭ hiante min duh pui vak loh chunga ka neih tâk chuan ka tum ram – vanram tlafual lei Eden , chhawrpial rûn nuam chu min thlen zo lo chiang ngei mai. A mo thar tûka a tho tlai chu a hmâ nia a hah em vang leh zan lama kan khawsak...
Read more